سوناکشی نے سلمان خان سے شادی کی خبروں پر خاموشی توڑ دی

اداکارہ سوناکشی سنہا نے سلمان خان سے شادی کی خبروں پر ردعمل کا اظہار کیا ہے۔

گزشتہ دنوں سلمان اور سوناکشی کی ایک ایڈٹ شدہ تصویر سوشل میڈیا پر وائرل تھی جس میں سلمان سوناکشی کو انگوٹھی پہنا رہے تھے اور اس موقع پر اداکارہ سرخ رنگ کی ساڑھی میں ملبوس تھیں۔

کیا سلمان نے سوناکشی سنہا سے خفیہ شادی کر رکھی ہے؟

سوناکشی سنہا نے سلمان خان کی فلم 'دبنگ' سے فلمی کیرئیر کا آغاز کیا تھا۔

تصویر سے متعلق بھارتی صارفین یہ دعویٰ کررہے تھے کہ دبنگ خان نے اداکارہ سے خفیہ شادی کررکھی ہے جس کے بعد بھارتی میڈیا نے واضح کیا کہ تصویر ایڈٹ کی گئی ہے اور یہ تمام خبریں بے بنیاد ہیں۔ 

ان خبروں پر سلمان خان تو کچھ نہ بولے البتہ سوناکشی نے بھارتی میڈیا کے سوشل میڈیا اکاؤنٹ کی خبر پر جواب دیا جس میں دونوں کی شادی کا دعویٰ کیا گیا تھا۔

سوناکشی سنہا نے پوسٹ پر کمنٹ کرتے ہوئے کہا کہ 'کیا آپ لوگ اتنے بے وقوف ہیں کہ اصل اور ایڈٹ شدہ تصویر میں فرق نہیں بتاسکتے؟'

اداکارہ کے کمنٹ کو لائک کرنے والوں کی تعداد ہزاروں میں تھی تاہم اس پر صارفین نے اپنی رائے کا بھی اظہار کیا اور جھوٹی خبریں پھیلانے والوں پر تنقید کی۔