07 مارچ ، 2022 
پاکستان
میانوالی: بیٹے کی خواہش، باپ نے 7 روز کی بیٹی کو قتل کر دیا
07 مارچ ، 2022
میانوالی میں سنگدل باپ نے بیٹے کی خواہش پر 7 روز کی بیٹی کو فائرنگ کر کے قتل کر دیا۔
پولیس کے مطابق فائرنگ کا واقعہ محلہ نور پورہ میں پیش آیا جہاں باپ کی فائرنگ سے 7 روز کی نومولود جاں بحق ہو گئی۔
پولیس کا کہنا ہے کہ ملزم مفرور ہے اور بتایا گیا ہے کہ ملزم بیٹےکا خواہش مند تھا۔
چیئرپرسن نیشنل کمیشن برائے وقار نسواں نیلوفر بختیار کا کہنا ہے کہ باپ نے7 دن کی بچی کو اس لیے قتل کیا کہ اس کو بیٹے کی خواہش تھی، ملزم کی گرفتاری کے لیے ہر حد تک جائیں گے۔
نیلوفر بختیار کا کہنا ہے کہ ہمارے ملک میں انسانی حقوق خاص طور پر خواتین کے حقوق کا تحفظ ضروری ہے۔
