09 مارچ ، 2022 
آئی فون والا کارآمد فیچر اب اینڈرائیڈ صارفین کیلئے بھی آنے کو تیار
09 مارچ ، 2022
مقبول ایپلی کیشن واٹس ایپ آپریٹنگ سسٹم کے مسائل کو حل کرنے اور نت نئے تجربات اپناتے ہوئے مختلف اپ ڈیٹس کرتا رہتا ہے اور اب بھی کچھ ایسا ہی ہوا ہے۔
واٹس ایپ بیٹا انفو کی رپورٹ کے مطابق ایپ جلد ہی آئی فون آپریٹنگ سسٹم (آئی او ایس) والا شاندار فیچر 'بلر ٹول' اینڈرائیڈ صارفین کے لیے بھی متعارف کرائے گا جس کی مدد سے اب آئی فون کے علاوہ دیگر صارفین بھی تصاویر کو بلر (دھندلا) کر سکیں گے۔
اس حوالے سے واٹس ایپ اپنے صارفین کے لیے جلد نئی بیٹا اپ ڈیٹ جاری کرنے جارہی ہے، اس اپڈیٹ کے بعد اس ایپلی کیشن کا ورژن بڑھ کر 2.22.7.1 ہوجائے گا۔
اسی نئے ورژن میں واٹس ایپ پر بھیجی جانے والی تصاویر کو بلر کرنے کے آپشن کو تجرباتی طور پر استعمال کیا جائے گا۔
اس اپ ڈیٹ کے بعد صارفین کے پاس ایڈیٹنگ کے لیے ایک پینسل کے علاوہ بھی نئی پینسل آپشن میں شامل ہوجائے گی جو تصویر کو دھندلا کرنے کا کام کرے گی۔
چونکہ یہ فیچر تیاری کے مراحل میں ہے لہٰذا واٹس ایپ نے اس فیچر کو لانچ کرنے کی کسی حتمی تاریخ کا اعلان نہیں کیا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
