11 مارچ ، 2022 
پاکستان
جے 10 سی کی شمولیتی تقریب، وزیراعظم نے کاک پٹ میں سوار ہوکر طیارے کا معائنہ کیا
11 مارچ ، 2022
وزیراعظم عمران خان نے کامرہ میں جدید لڑاکا طیاروں جے 10 سی کی پاک فضائیہ میں شمولیت کی تقریب میں شرکت کی۔
وزیراعظم کاک پٹ میں سوار ہوئے اور جنگی طیارے کا معائنہ کیا۔ اس موقع پر موجود آرمی چیف جنرل باجوہ نے بھی بریف کیا۔
تقریب سے خطاب میں وزیراعظم کا کہنا تھاکہ آج دفاع کی صلاحیت دیکھ کر خوشی اور اعتماد مزید بڑھ گیا، کوئی ہمارے اوپر دباؤ نہیں ڈال سکتا۔
انہوں نے مزید کہا کہ خطے میں سکیورٹی عدم توازن پیدا کرنے کی کوشش کی جارہی ہے، جے 10 سی کی شمولیت اس کا جواب ہے، جو میلی آنکھ سے دیکھے گا بھاری نقصان اٹھائے گا، ملکی آمدن بڑھ رہی ہے، غریبوں اور دفاع پر خرچ کرنا ترجیحات ہیں۔
