13 مارچ ، 2022 
کراچی ٹیسٹ، آسٹریلیا نے 8 وکٹوں کے نقصان پر 505 رنز بنا لیے
13 مارچ ، 2022
کراچی ٹیسٹ میں آسٹریلیا کی پہلی اننگز میں بیٹنگ جاری ہے اور آسٹریلیا نے 8 وکٹوں کے نقصان پر 505 رنز بنا لیے ہیں۔
کراچی ٹیسٹ کے دوسرے دن کےکھیل کا اختتام ہوگیا ہے اور اس وقت مچل اسٹارک 28 رنز اور پیٹ کمنز بغیر کوئی رن بنائے وکٹ پر موجود ہیں۔
آج آسٹریلیا نے دوسرے دن کے کھیل کا آغاز اپنی پہلی نامکمل اننگز سے 215 رنز 3 کھلاڑی آؤٹ سے کیا تو عثمان خواجہ 127 اور ناتھن لیون صفر پر بیٹنگ کر رہے تھے۔
دونوں بیٹرز نے اپنی ٹیم اسکور آگے بڑھایا لیکن 304 کے مجموعے پر ناتھن لیون 38 رنز بنا کر فہیم اشرف کی گیند پر بولڈ ہو گئے۔
ٹریوس ہیڈ بھی 23 رنز بنا کر آؤٹ ہوئے جبکہ عثمان خواجہ 160 رنز کی شاندا اننگز کھیل کر ساجد خان کی گیند پر بولڈ ہوئے، کیمرون گرین کو 28 کے انفرادی اسکور پر نعمان علی نے بولڈ کیا، ایلکس کیری نے 93 رنز کی اننگز کھیلی اور بابر اعظم کی گیند پر بولڈ ہوئے۔
پاکستان کی جانب سے فہیم اشرف اور ساجد خان نے دو دو جب کہ نعمان علی، حسن علی اور بابر اعظم نے ایک ایک وکٹ حاصل کی ۔
خیال رہے کہ کراچی ٹیسٹ میں آسٹریلیا اب تک 180 اوورز کھیل چکا ہے، کینگروز کی ایشیا میں 42 سال میں یہ سب سے طویل اننگز ہے، آسٹریلیا نے 1980 میں سب سے زیادہ 211 اوورز کھیلے تھے جب کہ 2008 میں نئی دہلی میں 179.3 اوورز کھیلےتھے۔
اس کے علاوہ نیشنل اسٹیڈیم میں کسی مہمان ٹیم کی 60 سال میں یہ سب سے طویل اننگز ہے،سال 1962 میں انگلینڈ نے233 اوورز کھیلے تھے، 2000 میں انگلینڈ نے 179.1 اوورز کھیلے تھے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
59 منٹ پہلے
چیمپیئنز ٹرافی کی رونمائی آج نتیھا گلی میں ہوگی
3 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
