14 مارچ ، 2022 
واٹس ایپ کے ویب صارفین کی سکیورٹی کیلئے نیا سکیورٹی فیچر متعارف
14 مارچ ، 2022
مقبول میسجنگ ایپلی کیشن واٹس ایپ نے کلاؤڈ سروس کمپنی کلاؤڈ فلیر کے تعاون سے ایک نیا سکیورٹی فیچر متعارف کروایا ہے۔
واٹس ایپ کی سرگرمیوں پر نظر رکھنے والی ویب سائٹ ویب بیٹا انفو کی ایک رپورٹ کے مطابق، واٹس ایپ کا نیا فیچر ’کوڈ ویری فائی ‘ کے نام سے ہے جو بنیادی طور واٹس ایپ کے ویب براؤز کی توسیع ہے۔
اس فیچر کا مقصد یہ جاننا ہے کہ آیا صارفین کے واٹس ایپ ویب کوڈ کے ساتھ کسی نے چھیڑ چھاڑ تو نہیں کی۔
ویب بیٹا انفو کے مطابق کوڈ ویری فائی کا فیچر انسٹالیشن ہونے کے بعد واٹس ایپ ویب استعمال کرتے وقت خود بخود کام کرے گا۔
فیچر استعمال کیسے کیا جائے گا؟
فیچر استعمال کرنے پر واٹس ایپ 3 مختلف میسجز دکھائے گا۔
1: کوڈ ویری فائی پر موجود سبز آئیکن اس بات کی نشاندہی کرے گا کہ صارف واٹس ایپ ویب کا مستند ورژن استعمال کررہا ہے اور کوڈ تصدیق شدہ ہے۔
2: کوڈ ویری فائی پر سرخ آئیکن کوڈ کے غیر تصدیق شدہ ہونے کی نشاندہی کرے گا۔
3: کوڈ ویری فائی کے فیچر پر اورنج آئیکن کی نشاندہی ممکنہ خطرے کا پتا دے گا۔
فیچر کہاں سے ڈاؤن لوڈ کیاجائے؟
کوڈ ویری فائی کا فیچر ویب براؤزر اسٹور سے ڈاؤن لوڈ کیاجاسکتا ہے۔
یہ سکیورٹی فیچر فی الحال گوگل کروم ، موزیلا فائرفوکس اور مائیکروسوفٹ ایڈج پر دستیاب ہیں۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
