19 مارچ ، 2022 
عدم اعتماد: تحریک انصاف نے منحرف پارٹی اراکین کو نوٹس جاری کر دیے
19 مارچ ، 2022
پاکستان تحریک انصاف نے تحریک عدم اعتماد کے معاملے پر منحرف ہونے والے اراکین پارلیمنٹ کو شوکاز نوٹس جاری کر دیے۔
پی ٹی آئی کی جانب سے پارٹی کے 14 منحرف اراکین قومی اسمبلی کو شوکاز نوٹس جاری کیے گئے ہیں۔
تحریک انصاف کی جانب سے نور عالم خان، افضل ڈھاندلا، نواب شیر وسیر، راجہ ریاض، احمد حسین ڈیہر، رانا قاسم نون، غفار وٹو، باسط بخاری کو نوٹسز جاری کیے گئے ہیں۔
شوکاز نوٹس میں کہا گیا ہے کہ ارکان وزیراعظم کے خلاف عدم اعتماد لانے والی اپوزیشن سے مل چکے ہیں، ٹی وی چینل کو دیے گئے انٹرویو سے ثابت ہو گیا کہ آپ پارٹی چھوڑ چکے ہیں، منحرف اراکین وزیراعظم کے سامنے پیش ہوں اور اپنا مؤقف پیش کریں۔
خیال رہے کہ وزیراعظم عمران خان نے گزشتہ روز سیاسی کمیٹی کے اجلاس میں منحرف اراکین کے خلاف قانونی کارروائی کی ہدایت کی تھی۔
