20 مارچ ، 2022 
پاک آسٹریلیا وائٹ بال سیریز: محمد نواز کی جگہ زاہد محمود اسکواڈ میں شامل
20 مارچ ، 2022
پاکستان اور آسٹریلیا کی ون ڈے اور ٹی ٹوئنٹی سیریز کیلئے آل راؤنڈر محمد نواز کی جگہ زاہد محمود کو قومی وائٹ بال اسکواڈ میں شامل کرلیا گیا ہے۔
ذرائع کے مطابق محمد نواز تاحال پاؤں کی انجری سے مکمل صحتیاب نہیں ہوسکے جس کے باعث زاہد محمود آسٹریلیا کے خلاف 3 ون ڈے اور ایک ٹی ٹوئنٹی انٹرنیشنل میچ کے لیے قومی اسکواڈ کا حصہ بن گئے ہیں۔
پاکستان کرکٹ ٹیم کے چیف سلیکٹر محمد وسیم کا کہنا ہے کہ بدقسمتی سے محمد نواز تاحال مکمل فٹ نہیں ہوسکے ۔
محمد وسیم نے کہا کہ زاہد محمود پہلے ہی ٹیسٹ اسکواڈ کے ہمراہ ہیں، لہٰذا انہیں وائٹ بال اسکواڈ میں شامل کرلیا گیا ہے۔
واضح رہے کہ محمد نواز پاکستان سپر لیگ کے ساتویں ایڈیشن کے دوران انجری کا شکار ہوئے تھے۔
ذرائع کے مطابق زاہد محمود لیگ اسپنر شاداب خان کے کوور کے طور پر بھی اسکواڈ میں شامل ہوں گے جبکہ دوسری جانب یریز سے قبل شاداب خان کی فٹنس کا بھی جائزہ لیا جائے گا۔
پاکستان اور آسٹریلیا کے مابین وائٹ بال سیریز 29 مارچ سے لاہور میں شروع ہوگی۔
مزید خبریں :
کراچی پریمیئر لیگ ملیر ڈولفنز نے جیت لی
6 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
