20 مارچ ، 2022 
انٹرٹینمنٹ
پاکستانی گلوکار عاصم اظہر نے اپنی قریبی دوست میرب علی سے منگنی کرلی۔ —فوٹو:عاصم اظہر انسٹاگرام
عاصم اظہر نے اپنی قریبی دوست میرب علی سے منگنی کرلی
20 مارچ ، 2022
پاکستانی گلوکار عاصم اظہر نے اپنی قریبی دوست اور اداکارہ میرب علی سے منگنی کرلی۔
عاصم اظہر نے انسٹا گرام پر اپنی اور میرب کی منگنی کی اطلاع اپنے مداحوں کو دیتے ہوئے لکھا کہ'اللہ تعالی کے فضل اور اپنے والدین کی دعاؤں سے ہم اپنی منگنی کا اعلان کرتے ہیں'۔
انہوں نے کہا کہ اللہ ہمیں اپنی حفاظت میں رکھے اور یہ خوشیاں ہمیشہ کے لیے رکھے، آمین'۔
اس کے علاوہ انہوں نے اپنے مداحوں سے دعاؤں کی درخواست بھی کی۔
واضح رہے کہ کئی مہینوں سے عاصم اور میرب کی منگنی کی خبریں میڈیا میں گردش کررہی تھیں لیکن ہر بار دونوں کی جانب سے ان خبروں کو رد کیا جاتا تھا۔
