21 مارچ ، 2022 
27 سال سے مٹھائی نہیں کھائی: جان ابراہم
21 مارچ ، 2022
بالی وڈ اداکار جان ابراہم نے انکشاف کیا ہے کہ انہوں نے 27 سال سے مٹھائی نہیں کھائی۔
جان ابراہم اداکارہ شلپا شیٹھی کے فٹنس شو ’شیپ آف یو ‘ میں مہمان بنے جس دوران انہوں نے فٹنس کے حوالے سے مختلف انکشافات کیے۔
دوران شو جان ابراہم نے بتایا کہ انہوں نے 27 سال سے مٹھائی نہیں کھائی اور اپنی پسندیدہ مٹھائی کے ایک کتلے کوبھی ہاتھ نہیں لگایا۔
جان ابراہم کا کہنا تھا کہ کیرئیر کے آغاز میں ہی چینی چھوڑ دی تھی کیوں کہ چینی سے زیادہ کچھ خطرناک نہیں، اگر سگریٹ سے زیادہ کچھ خطرناک ہے تو وہ چینی ہے۔
جان ابراہم نے ایک اور انکشاف کیا کہ انہوں نے گزشتہ 18 برسوں میں صرف 3 بار چھٹیاں لیں،اس کے باجود جان ابراہم اس عمل کو وہ درست قرار نہیں دیتے۔
انہوں نے کہا کہ ہر انسان کو اپنے کام سے ایک وقفہ لینا چاہیے کیوں کہ یہ سب بہت بورنگ ہے جو انہوں نے کیا۔
