22 مارچ ، 2022 
لاہور ٹیسٹ: آسٹریلیا کے 391 کے جواب میں پاکستان کو 301 رنز کا خسارہ
22 مارچ ، 2022
لاہور ٹیسٹ کے دوسرے روز پاکستان نے آسٹریلیا کے 391 رنز کے جواب میں ایک وکٹ پر 90 رنز بنالیے اور اسے اب بھی 301 رنز کا خسارہ ہے۔
پاکستان نے پہلی اننگز میں ایک وکٹ کے نقصان پر 90 رنز بنالیے، عبداللہ شفیق 45 اور اظہر علی 30 رنز بناکر ناٹ آؤٹ ہیں۔ پاکستان کو واحد نقصان امام الحق کی صورت میں ہوا جو 11 رنز بناکر کمنز کا شکار ہوئے۔
قبل ازیں قذافی اسٹیڈیم میں پاکستان اور آسٹریلیا کے درمیان جاری تین ٹیسٹ میچز کی سیریز کے آخری میچ کی پہلی اننگز میں آسٹریلوی بیٹنگ لائن نسیم شاہ اور شاہین کی جارحانہ بولنگ کے سامنے ریت کی دیوار ثابت ہوئی۔
آسٹریلوی ٹیم 391 رنز بنا کر آل آؤٹ ہوئی، پاکستان کی جانب سے نسیم شاہ اور شاہین آفریدی نے 4 ، 4 کھلاڑیوں کو آؤٹ کیا جب کہ نعمان علی اور ساجد خان ایک ایک وکٹ لینے میں کامیاب رہے۔
دوسرے دن کھیل کا پہلا سیشن آسٹریلوی بیٹرز کے نام رہا اور پاکستانی بولرز کوئی وکٹ حاصل نہ کرسکے۔
کینگروز نے پہلے سیشن میں ٹیم کو بغیر کسی نقصان 320 رنز تک پہنچایا، کیمرون گرین اور ایلکس کیری نے اپنی نصف سنچریاں مکمل کیں۔
کھانے کے وقفے کے بعد آسٹریلوی ٹیم کے 63 رنز بنانے والے ایلکس کیری، نعمان علی اور 79 رنز پر موجود کیمرون گرین نسیم شاہ کا شکار بنے۔
ٹیسٹ کی پہلی اننگز میں عثمان خواجہ 91 اور کیمرون گرین 79 رنز بناکر نمایاں رہے۔
یاد رہے کہ پاکستان اور آسٹریلیا کے درمیان راولپنڈی اور کراچی میں کھیلے جانے والے دونوں ٹیسٹ میچز بغیر کسی نتیجے کے ختم ہو گئے تھے۔
مزید خبریں :
کراچی پریمیئر لیگ ملیر ڈولفنز نے جیت لی
8 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
