23 مارچ ، 2022 
اداکاروں کے چہرے کی سرجری کرانے سے متعلق کبریٰ خان نے کیا کہا؟
23 مارچ ، 2022
اداکارہ کبریٰ خان کا کہنا ہے کہ اگر کسی اداکار کو لگتا ہے کہ اسے کاسمیٹک سرجری (چہرے کی سرجری) کرانی چاہیے تو اسے یہ قدم ضرور اٹھانا چاہیے۔
حال ہی میں دیے گئے ایک انٹرویو کے دوران کبریٰ خان سے کاسمیٹک سرجری کے حوالے سے ان کی رائے جانی گئی جس پر اداکارہ کا کہنا تھا کہ اس میں کوئی برائی نہیں ہے۔
کبریٰ خان نے کہا کہ آج کل کے زمانے میں ایسا کوئی اداکار نہیں جس نے کاسمیٹک سرجری نہ کروائی ہو، اپنی جلد کو بہتر رکھنے کے لیے چہرے کی بنیادی سرجری ہر کوئی کرواتا ہے جیسے کہ لیزر وغیرہ۔
اداکارہ کا کہنا تھا کہ یہ ہر کسی کا ذاتی انتخاب ہے، اگر کسی کو لگتا ہے کہ کاسمیٹک سرجری کرانے سے اس کی خود اعتمادی میں اضافہ ہوگا یا کام میں بہتری آئے گی اور آپ خود کے بارے میں بہتر محسوس کریں گے تو ضرور کروائیں۔
انہوں نے دیگر اداکاروں کے حوالے سے کہا کہ ان کے بال ہیں اور چہرہ بھی ان ہی کا ہے، وہ چاہیں جو مرضی کریں ان کے ساتھ۔
کبریٰ خان نے کہا کہ میں سوشل میڈیا پر زیادہ چیزیں پوسٹ نہیں کرتی، مجھے نہیں لگتا کہ لوگوں کو میرے بارے میں زیادہ کچھ جاننے کی ضرورت ہے، اور نہ ہی میں ابھی اتنی بہادر ہوئی ہوں کہ لوگوں کی تنقید کا جواب دے سکوں۔
مزید خبریں :
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
