پولینڈ نےجاسوسی کےالزام میں 45 روسی سفارتکاروں کو ملک بدرکردیا

پولینڈ نے جاسوسی کے الزام میں 45 روسی سفارت کاروں کو ملک چھوڑنے کا حکم دے دیا۔

غیر ملکی میڈیا رپورٹس کے مطابق پولش وزیر داخلہ مریسز کامنسکی (Mariusz Kaminski) کا کہنا ہے کہ سفارت کار ہونے کا بہانہ کرنے والے 45 روسی جاسوسوں کو ملک بدر کر دیا ہے۔

انہوں نے کہا کہ ہم اپنے ملک میں روس کے اسپیشل سروس نیٹ ورک کو ختم کر رہے ہیں۔

وجود کو خطرہ لاحق ہوا تو جوہری ہتھیار استعمال کریں گے، روس نے خبردار کر دیا

ملکی سلامتی سے متعلق ہمارے اصول متعین اور پبلک ہیں: ترجمان کریملن

اس کے علاوہ پولش وزارت خارجہ کے ترجمان لوکاس جاسینا نے کہا کہ روسی سفاترکاروں کو ملک چھوڑنے کے لیے 5 دن کا وقت دیا جا رہا ہے۔

دوسری جانب پولینڈ کے لیے روس کے سفیر سرگئی ایندرییو نے الزامات مسترد کرتے ہوئے کہا ہے کہ روسی سفارت کاروں پر لگائے گئے الزامات بے بنیاد ہیں۔

انہوں نے کہا کہ روس پولینڈ اقدام کے ردعمل میں جوابی کارروائی کا حق رکھتا ہے۔