24 مارچ ، 2022 
روس کا جوابی وار: امریکی سفارتکاروں کو ملک بدر کرنے کا فیصلہ
24 مارچ ، 2022
روس نے جوابی کارروائی کرتے ہوئے امریکی سفارتکاروں کو ملک بدر کرنے کا فیصلہ کرلیا۔
غیر ملکی میڈیا رپورٹس کے مطابق روس نے بدھ کے روز اعلان کیا کہ امریکا کی جانب سے رواں ماہ اقوام متحدہ میں روسی سفارتکاروں کی بے دخلی کے جواب میں ہم امریکی سفارتکاروں کو ملک سے نکال رہے ہیں۔
رپورٹس کے مطابق روسی وزارت خارجہ نے 23 مارچ کو ملک بدر ہونے والے امریکی سفارتکاروں کی فہرست اور ایک نوٹ امریکی سفارتی مشن کے سربراہ کے حوالے کیا۔
خبررساں ایجنسی کے مطابق اس نوٹ میں لکھا ہوا تھا کہ امریکی سفارتکاروں کو ملک بدر کرنے کا فیصلہ واشنگٹن کی جانب سے نیویارک میں اقوام متحدہ میں روسی سفارت کاروں کی بے دخلی کے ردعمل میں کیا گیا ہے۔
اس کے علاوہ روسی وزارت خارجہ کے بیان میں کہا گیا ہےکہ روس کے خلاف امریکا کی طرف سے کسی بھی دشمنانہ کارروائی کا پرعزم اور مناسب جواب دیا جائے گا۔
واضح رہے کہ یوکرین میں جاری جنگ کی وجہ سے امریکا نے رواں ماہ اقوام متحدہ میں روسی سفارتی مشن کے 12 ارکان کو جاسوسی کے الزام میں ملک بدر کیا تھا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
10 گھنٹے پہلے
غزہ پر اسرائیلی بمباری سے مزید 38 فلسطینی شہید
12 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
