26 مارچ ، 2022 
سونم کپور کی کس بالی وڈ اداکارہ سے 20 سال سے دوستی ہے؟
26 مارچ ، 2022
اداکارہ سونم کپور نے حال ہی میں اپنی پسندیدہ اداکارہ کے اعزاز میں خصوصی پوسٹ شیئر کی ہے۔
سونم کپور نے انسٹاگرام پر رانی مکھرجی کے ہمراہ تصویر شیئر کی اور ساتھ ہی انہیں سالگرہ کی مبارکباد بھی دی۔
اداکارہ نے تصاویر کے کیپشن میں لکھا کہ یہ دوستی 20 سال کے عرصے پر محیط ہے، رانی مجھے آپ سے محبت ہے۔
سونم نے ساتھ ہی لکھا کہ میں اپنی پسندیدہ اداکارہ کو سالگرہ کی تاخیر سے مبارکباد پیش کر رہی ہوں۔
خیال رہے کہ سونم اور رانی کا ایک دوسرے سے گہرا تعلق ہے اور اس سے قبل بھی دونوں کئی تقریبات میں ایک دوسرے سے خوش گپیوں میں مصروف دکھائی دیتی رہی ہیں، ناصرف سونم سے بلکہ رانی کا اداکارہ کے والد انیل کپور سے بھی کافی اچھا تعلق ہے۔
واضح رہے کہ اداکارہ رانی مکھرجی اپنی سالگرہ 21 مارچ کو مناتی ہیں۔
