شاہ محمود نے وزیراعظم کا پیغام پرویز الٰہی کو پہنچا دیا
26 مارچ ، 2022
وزیر خارجہ شاہ محمود قریشی نے مسلم لیگ ق کی قیادت کو وزیراعظم عمران خان کا پیغام پہنچایا ہے۔
وزیر خارجہ شاہ محمود قریشی اور وزیر دفاع پرویز خٹک نے چوہدری پرویز الٰہی سے لاہور میں ملاقات کی جس کا اعلامیہ بھی جاری کر دیا گیا ہے۔
اعلامیے میں کہا گیا ہے کہ شاہ محمود قریشی نے وزیر اعظم عمران خان کا پیغام پرویز الٰہی تک پہنچایا۔
اعلامیہ کے مطابق ممبر قومی اسمبلی طارق بشیر چیمہ نے ساڑھے 3 سال سے درپیش مسائل سے وفاقی وزرا کو آگاہ کیا جبکہ ملاقات میں مسائل کے حل کے لیے بحث بھی کی گئی۔
وفاقی وزرا کی جانب سے مسلم لیگ ق کی قیادت سے کہا گیا کہ وزیر اعظم کو ساری صورت حال سے آگاہ کریں گے۔
پرویز الٰہی کا کہنا تھا کہ آج کی ملاقات سے متعلق پارٹی صدر چوہدری شجاعت حسین کو اعتماد میں لیں گے، آئندہ ملاقات جلد اسلام آباد میں ہو گی۔
مزید خبریں :
کل سے ملک بھر میں درجہ حرارت میں اضافےکا امکان
10 گھنٹے پہلے
