28 مارچ ، 2022 
عمران خان نے ’آج بھی بھٹو زندہ ہے‘ کا سرپرائز دیا: بلاول
28 مارچ ، 2022
چیئرمین پیپلز پارٹی بلاول بھٹو زرداری کا کہنا ہے کہ عمران خان نے اسلام آباد جلسے میں ’آج بھی بھٹو زندہ ہے‘ کا سرپرائز دیا۔
وزیراعظم عمران خان نے اسلام آباد جلسے میں سرپزائز دینے کا اعلان کیا تھا، گزشتہ روز انہوں نے کوئی سرپرائز تو نہیں دیا البتہ یہ ضرور بتایا کہ باہر کے پیسے سے ان کی حکومت کو گرانے کی کوشش کی جا رہی ہے اور لکھ کر دھمکی دی گئی۔
عمران خان نے اپنی تقریر میں پیپلز پارٹی کے بانی اور سابق وزیراعظم ذوالفقار علی بھٹو کا حوالہ بھی دیا تھا اور کہا تھا کہ جب بھٹو نے خارجہ پالیسی پر بیرونی دباؤ قبول کرنے سے انکار کیا تو انہیں پھانسی چڑھا دیا گیا۔
وزیراعظم عمران خان کی تقریر پر ردعمل دیتے ہوئے بلاول بھٹو زرداری نے کہا کہ عمران خان نے سرپرائز یہ کہہ کر دیا کہ آج بھی بھٹو زندہ ہے۔
