28 مارچ ، 2022 
احد اور سجل کی مبینہ طلاق سے متعلق نیا دعویٰ
28 مارچ ، 2022
شوبز انڈسٹری کی مقبول جوڑی سجل اور احد رضا میر کی مبینہ طلاق کے معاملے پر ایک اور نیا دعویٰ سامنے آگیا۔
سوشل میڈیا پر ڈیجیٹل کریئٹر راجا مطلوب کی ایک ویڈیو گردش کررہی ہے جس میں وہ احد رضا کے مبینہ افیئرز سے متعلق کچھ دعوے کررہے ہیں۔
راجا مطلوب نے اپنی ویڈیو میں یاسر شامی کی جانب سے سجل پر لگائے الزام کو بے بنیاد اور جھوٹاقرار دیا۔
گزشتہ روز صحافی یاسر شامی نے ذرائع کا حوالہ دیتے ہوئے کہا تھا کہ احد سجل کو فلموں میں کام کرنے کی اجازت نہیں دے رہے تھے، دونوں کی علیحدگی کی وجہ یہ بتائی گئی کہ سجل نے احد کا یہ فیصلہ ماننے سے انکار کر دیا تھا۔
ویڈیو میں راجا مطلوب کا کہنا تھا کہ اگر احد سچ بولیں تو آپ کو پتا چل جائے گا کہ طلاق کی اصل وجہ کیا ہے۔
انہوں نے احد رضا میر پر الزام لگاتے ہوئے کہا کہ شوبز شخصیات احد کو جانتی ہیں کہ وہ کس قسم کے انسان ہیں اور وہ کس حالت میں پکڑے جاچکے ہیں، ان کے کتنے افیئرز ہیں اگر وہ یہ بتادیں تو ان کے پاس بڑا آدمی بننے کا چانس ہے۔
راجا مطلوب نے اپنے ویڈیو پیغام میں سجل کے لیے نیک خواہشات کا اظہار بھی کیا۔
یاد رہے کہ گزشتہ دنوں پاکستانی شوبز انڈسٹری سے تعلق رکھنے والی صحافی آمنہ عیسانی اور حسن چوہدری کی جانب سے دعویٰ کیا گیا تھا کہ اداکارہ سجل علی اور احد رضا میر کے درمیان باقاعدہ طور پر طلاق ہو چکی ہے تاہم اس معاملے پر دونوں نے تاحال خاموشی اختیار کررکھی ہے۔
