29 مارچ ، 2022 
اپوزیشن کی جانب سے وزیراعلیٰ پنجاب کا امیدوار کون ہوگا؟جاوید لطیف نے بتادیا
29 مارچ ، 2022
لاہور : مسلم لیگ (ن) کے رکن قومی اسمبلی جاوید لطیف نے جیو نیوز سے ٹیلی فونک گفتگو میں اہم انکشاف کیا ہے کہ حمزہ شہباز ممکنہ طور پر وزیر اعلیٰ پنجاب کے امیدوار ہوسکتے ہیں۔
جاوید لطیف کا کہنا تھا کہ پنجاب اسمبلی میں ن لیگ اکثریتی جماعت ہے تو کیسے 10 افراد کی جماعت کو وزرات اعلیٰ دے سکتے ہیں؟
ن لیگی رہنما کا کہنا تھا کہ ممکنہ طور پرحمزہ شہباز اور علیم خان وزیراعلیٰ پنجاب کے امیدوار ہوسکتے ہیں لیکن سینیئر پارٹی رہنما حمزہ شہباز کے نام پر متفق ہیں اور اس معاملے پر نواز شریف سے مشاورت جاری ہے۔
جاوید لطیف نے اعتماد کا اظہار کرتے ہوئے کہا کہ اپوزیشن کے نمبرز پورے ہیں ایک دو روز میں وزیراعلیٰ کے حمتی امیدوارکا فیصلہ کرلیا جائے گا۔
خیال رہے کہ عثمان بزدار گزشتہ روز وزیر اعلیٰ پنجاب کے عہدے سے مستعفی ہوگئے تھے جس کے بعد وزیر اعظم عمران خان نے حکومت کی جانب سے اسپیکر پنجاب اسمبلی چوہدری پرویز الہیٰ کو وزارت اعلیٰ کا امیدوار نامزد کیا تھا۔
مزید خبریں :
ملتان میں فضائی معیار آج بھی انتہائی مضر صحت
4 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
11 گھنٹے پہلے
