02 اپریل ، 2022 
وزیراعظم نے تحریک عدم اعتماد پر ووٹنگ کے حوالے سے اپنی حکمت عملی تبدیل کرلی
02 اپریل ، 2022
وزیراعظم عمران خان نے تحریک عدم اعتماد پر کل ہونے والی ووٹنگ کے حوالے سے اپنی حکمت عملی تبدیل کرلی ہے۔
خیال رہےکہ ایوان زیریں میں تحریک عدم اعتماد پر ووٹنگ کل ہوگی، وزیراعظم عمران خان اور پی ٹی آئی کے ارکان بھی کل قومی اسمبلی جائیں گے۔
ذرائع کا کہنا ہےکہ وزیراعظم عدم اعتمادکا ووٹ جیتنےکے لیے پر عزم ہیں، پی ٹی آئی ارکان کل اسمبلی اجلاس میں شرکت کریں گے۔
اس سے قبل وزیراعظم عمران خان نے بطور پارٹی چیئرمین پاکستان تحریک انصاف تمام اراکین قومی اسمبلی کو خط لکھ کر تحریک عدم اعتماد پر ووٹنگ کے دوران اسمبلی نہ جانے کی ہدایت کی تھی۔
وزیراعظم کی جانب سے تمام اراکین کو انفرادی طور پر خط ارسال کیا گیا تھا جس میں خبردار کیا گیا تھا کہ اسمبلی اجلاس میں شرکت پر آرٹیکل 63 اے کا اطلاق ہوگا۔
