03 اپریل ، 2022 
پاکستان
فوٹو: فائل
آج ہونے والے واقعات کے تناظر میں استعفیٰ دے رہا ہوں،کاشف سرور پراچہ
’آئین کی پاسداری فرائض میں شامل ہے‘: ایک اور ڈپٹی اٹارنی جنرل مستعفی ہوگیا
03 اپریل ، 2022
ملک میں موجودہ آئینی صورت حال پرکراچی کے ڈپٹی اٹارنی جنرل کاشف سرور پراچہ بھی مستعفی ہوگئے۔
کاشف سرور پراچہ کے پاس ایڈیشنل اٹارنی جنرل کا بھی چارج تھا۔
صدر مملکت کے نام دیےگئے استعفے میں کاشف سرور پراچہ کا کہنا تھا کہ بطور ڈپٹی اٹارنی جنرل آئین اور قانون کی پاسداری فرائض میں شامل ہے، پاکستان میں آج ہونے والے واقعات کے تناظر میں استعفیٰ دے رہا ہوں۔
خیال رہےکہ ڈپٹی اٹارنی جنرل راجا خالد نے بھی آج احتجاجاً استعفیٰ دے دیا تھا، راجہ خالد کا کہنا تھا کہ آئین کی دھجیاں اڑادی گئیں، حکومت کا مزید دفاع نہیں کرسکتا۔
ان کا کہنا تھا کہ ڈپٹی اسپیکر نے غیر آئینی رولنگ دی، آئین اور جمہوری اقدار کے منافی اقدام کی مذمت کرتا ہوں۔
