06 اپریل ، 2022 
پاکستان
اسپیکر پرویز الٰہی کی ہدایت کے تحت میڈیا اسمبلی کےاندرنہیں جاسکتا: سکیورٹی اسٹاف/ فائل فوٹو
پنجاب اسمبلی میں میڈیا کے داخلے پر پابندی عائد
06 اپریل ، 2022
لاہور: پنجاب اسمبلی میں میڈیا کے داخلے پر پابندی عائد کردی گئی۔
جیونیوز کے مطابق اسپیکر پنجاب اسمبلی اور پی ٹی آئی کی جانب سے وزارتِ اعلیٰ کے امیدوار چوہدری پرویز الٰہی کی ہدایت پر پنجاب اسمبلی میں میڈیا کے داخلے پر پابندی عائد کی گئی ہے۔
اسمبلی کے سکیورٹی اسٹاف کا کہنا ہےکہ اسپیکرکی ہدایت کے تحت میڈیا اسمبلی کےاندرنہیں جاسکتا۔
سکیورٹی اسٹاف کے مطابق اسمبلی سیکرٹریٹ کے اندر پولیس کی بھاری نفری تعینات کردی گئی ہے۔
واضح رہےکہ پنجاب اسمبلی کے اجلاس سے متعلق متضاد اطلاعات سامنے آرہی ہیں، ڈپٹی اسپیکر کا کہنا ہےکہ اسمبلی کا اجلاس آج ہی ہوگا جب کہ سیکرٹری اسمبلی نے ڈپٹی اسپیکر کے احکامات ماننے سے انکار کردیا ہے۔
