شاہین کی سالگرہ پر مستقبل کے ساس سسر کا داماد کیلئے پیغام

قومی ٹیم کے فاسٹ بولر شاہین آفریدی کی سالگرہ پر ان کے ہونے والے ساس سسر نے انہیں مبارکباد دی ہے۔

شاہد آفریدی نے ٹوئٹ کے ذریعے شاہین کو سالگرہ کی مبارکباد دی اور دعا دی کہ ’ اللہ آپ کو ہمیشہ خوش رکھے اور مزید کامیابیاں عطا کرے تاکہ آپ پاکستان کی خدمت کرسکیں‘۔

شاہد آفریدی نے اپنے پیغام میں شاہین کو 200  انٹرنیشل وکٹوں کا  سنگ میل عبور کرنے پر بھی مبارکباد پیش کی اور ان  کے مستقبل کے لیے نیک خواہشات کااظہار کیا۔

بعد ازاں شاہد آفریدی کی اہلیہ نادیہ شاہد نے بھی شوہر کی ٹوئٹ کو ری ٹوئٹ کرتے ہوئے مستقبل کے داماد کو سالگرہ کی مبارکباد پیش کی۔

خیال رہے کہ شاہین آفریدی کا رشتہ سابق کپتان شاہد آفریدی کی بیٹی سے طے ہے جس کی تصدیق سابق کپتان نے بھی کی تھی۔