08 اپریل ، 2022 
پاکستان
حلقہ بندیوں کیلئے 7 ماہ اور پھر الیکشن کی تیاریوں کیلئے 3 ماہ چاہئیں: چیف الیکشن کمشنر
08 اپریل ، 2022
چیف الیکشن کمشنر سکندر سلطان راجہ کا کہنا ہے کہ پورے ملک کی حلقہ بندیاں تبدیل ہوں گی جس کے لیے 6 سے 7 ماہ درکار ہیں۔
چیف الیکشن کمشنر سکندر سلطان راجہ سپریم کورٹ کے طلب کرنے پر گزشتہ روز عدالت میں پیش ہوئے اور بتایا کہ پورے ملک میں حلقہ بندیاں کرنی ہیں جس کے لیے چھ سے سات ماہ چاہییں۔
سکندر سلطان راجہ نے بتایا کہ پورے ملک کی حلقہ بندیاں تبدیل ہوں گی، فاٹا کی 12 نشستیں ختم اور کے پی میں ضم ہوئی ہیں، حلقہ بندیوں کے بعد الیکشن کے لیے 3 ماہ چاہیے ہوں گے۔
دوسری جانب الیکشن کمیشن نے آج اپنا اجلاس بھی طلب کر لیا ہے جس کی صدارت چیف الیکشن کمشنر خود کریں گے۔
