08 اپریل ، 2022 
دنیا
ماریوپول میں نیٹو فوجیوں موجودگی سے جنگ میں ٹرننگ پوائنٹ آ گیا ہے: روسی میڈیا۔ فوٹو: فائل
یوکرین: ماریوپول میں نیٹو کے درجنوں فوجی پھنس گئے: روسی میڈیا
08 اپریل ، 2022
روسی میڈیا نے دعویٰ کیا ہے کہ یوکرین کے شہر ماریو پول میں نیٹو کے کئی درجن فوجی پھنس کر رہ گئے ہیں۔
روسی میڈیا کے مطابق مغربی افراد اور نازیوں کو ماریوپول سے نکالنے کی کوششیں کی جا رہی تھیں کہ اسی دوران 2 ہیلی کاپٹر مار گرائے گئے جس کے سبب اب نیٹو فوجی فضائی راستے سے انخلا نہیں کر سکتے۔
میڈیا رپورٹس کے مطابق ماریو پول میں پھنسے درجنوں نیٹو فوجی انخلا کے لیے روسی حکام سے موقع مانگ رہے ہیں۔
روسی میڈیا کا کہنا ہے کہ نیٹو اہلکاروں کو انخلا کے لیے روسی فوج کی مدد لینا ضروری ہے، نیٹو فوجیوں کے انخلا کے بدلے تمام روسی جنگی قیدیوں کی رہائی کرائی جانی چاہیے، نیٹو اہلکاروں کی ماریوپول میں موجودگی سے جنگ میں ٹرننگ پوائنٹ آ گیا ہے۔
مزید خبریں :
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
