عارف علوی کا صدارت سے مستعفی نہ ہونے کا فیصلہ
11 اپریل ، 2022
عمران خان کے وزارت عظمی سے برطرف ہونے کے باوجود صدر مملکت ڈاکٹر عارف علوی اپنے عہدے پر کام جاری رکھیں گے۔
عارف علوی نے صدارت سے مستعفی ہونے کا فی الحال کوئی فیصلہ نہیں کیا لیکن عمران خان نے حکم دیا تو صدر اپنے منصب سے ازخود مستعفی ہونے پر غور کرسکتے ہیں۔
پی ٹی آئی کے اہم ترین ذرائع کا کہنا ہے کہ صدر مملکت ڈاکٹر عارف علوی معمول کے مطابق اپنے آئینی فرائض انجام دے رہے ہیں اور انہوں نے ازخود مستعفی ہونے کا کوئی فیصلہ نہیں کیا۔
نوٹ: یہ خبر 11 اپریل 2022 کے جنگ اخبار میں شائع ہوئی ہے
