12 اپریل ، 2022 
پاکستان
آج وفاقی کابینہ کے ناموں کو حتمی شکل دی جائےگی اور آج رات تک وفاقی کابینہ کا اعلان کر دیا جائے گا: ذرائع/ فائل فوٹو
کابینہ کا اعلان آج متوقع، رانا ثنا کو وزیر داخلہ اور مریم کو وزیر اطلاعات بنائے جانے کا امکان
12 اپریل ، 2022
مسلم لیگ (ن) کے رہنما رانا ثنااللہ کو کابینہ میں وزارت داخلہ اور مریم اورنگزیب کو اطلاعات کا قلمدان دیے جانے کا امکان ہے۔
ذرائع کےمطابق وزیراعظم شہبازشریف آج اتحادی جماعتوں کے سربراہوں سے ملاقاتیں کریں گے جس میں وفاقی کابینہ میں حصہ داری کےحوالے سے فیصلہ کیاجائےگا۔
ذرائع کا کہنا ہےکہ آج وفاقی کابینہ کے ناموں کو حتمی شکل دی جائےگی اور آج رات تک کابینہ کا اعلان کر دیا جائے گا۔
ذرائع کے مطابق نئی کابینہ میں رانا ثنااللہ کو وزارت داخلہ اور مریم اورنگزیب کو وزارت اطلاعات کا قلمدان دیے جانے کا امکان ہے۔
واضح رہےکہ گزشتہ ہفتے اپوزیشن کے اجلاس میں سابق صدر آصف زرداری نے بھی رانا ثنااللہ کو وزیر داخلہ کہہ کر مخاطب کیا تھا۔
