نومنتخب وزیراعلیٰ پنجاب حمزہ شہباز آج رات عہدےکا حلف اٹھائیں گے

نو منتخب وزیراعلیٰ پنجاب حمزہ شہباز آج رات عہدے کا حلف اٹھائیں گے۔

حمزہ شہبازکی حلف برداری کی تقریب گورنر ہاؤس لاہور میں رات 8 بجے ہو گی تاہم ابھی تک یہ معلوم نہیں ہو سکا ہے کہ گورنر پنجاب عمر سرفراز چیمہ حمزہ شہباز سے حلف لیں گے یا نہیں۔

ہنگامہ آرائی اور مار دھاڑ کے بعد ن لیگ کے حمزہ شہباز بالآخر وزیراعلیٰ پنجاب منتخب

پنجاب اسمبلی میں اپوزیشن اتحاد کے امیدوار حمزہ شہباز شریف 197 ووٹ لے کر نئے قائد ایوان منتخب ہوگئے، پرویز الٰہی کو کوئی ووٹ نہیں پڑا

اس کے علاوہ ڈپٹی اسپیکر لاہور کے آفس سے گورنرہاؤس کو حمزہ شہباز کی بطور وزیر اعلیٰ پنجاب کامیابی کا نوٹیفکیشن موصول ہو گیا۔

نوٹیفکیشن کےمطابق حمزہ شہبازپنجاب کےنئےقائدایوان منتخب ہو چکے ہیں۔ گورنرہاؤس حمزہ شہبازکے بطوروزیراعلیٰ پنجاب منتخب ہونےکانوٹیفکیشن جاری کرے۔

واضح رہے کہ گزشتہ روز پنجاب اسمبلی میں ہنگامہ آرائی اور مار دھاڑ کے بعد ہونے والے وزیراعلیٰ کے انتخاب میں مسلم لیگ ن کے رہنما حمزہ شہباز وزیراعلیٰ پنجاب منتخب ہوئے۔

 تحریک انصاف اور ق لیگ کے بائیکاٹ کے بعد ایوان میں ووٹنگ کا عمل شروع ہوا، حمزہ شہباز کو 197 ووٹ پڑے جب کہ پرویز الہیٰ کو کوئی ووٹ نہیں پڑا۔