19 اپریل ، 2022 
ملیر کی عمر ماروی گوٹھ میں بھتہ کے تنازع پر قتل، منگل بازار نذر آتش
19 اپریل ، 2022
ملیر کے علاقے قائد آباد کی عمر ماروی گوٹھ کے منگل بازار میں مبینہ طور پر بھتے کے تنازعے پر جھگڑا ہوگیا جس میں ایک شخص کو قتل کر دیا گیا جس کے بعد مشتعل افراد نے منگل بازار کو نذرآتش کردیا۔
ذرائع کے مطابق شاہ لطیف ٹاؤن تھانے کی حدود عمر ماروی گوٹھ کے فٹبال گراؤنڈ پر مافیا نے قبضہ کر رکھا ہے جہاں ہر ہفتے منگل بازار لگایا جاتا ہے۔
ان مافیاز کو علاقہ پولیس کی سرپرستی حاصل ہے۔ غیر قانونی منگل بازار سے ہونے والی آمدنی کی بندر بانٹ کی جاتی ہے۔
آج منگل کی شام بازار کے خاتمے کے دوران جھگڑے کے دوران تیز دھار آلے کے وار سے ابراہیم عرف ملا کو قتل کر دیا گیا جس کے بعد مشتعل افراد نے منگل بازار کو آگ لگا دی۔
پولیس کے مطابق منگل بازار انتظامیہ اور علاقہ مکینوں میں جھگڑا ہوا، اس دوران نوجوان کو چھری لگ گئی، اہل علاقہ مشتعل ہوگئے اور کچھ پتھاروں کو آگ لگادی۔ پولیس نے چار ملزموں کو گرفتار کرلیا ہے۔
