گریڈ 21 کے افسر فواد اسد اللہ کی بطور ڈی جی آئی بی تعیناتی کا امکان
20 اپریل ، 2022
وفاقی حکومت نے گریڈ 21 کے افسر فواد اسد اللہ کو ڈی جی انٹیلی جنس بیورو ( آئی بی) تعینات کرنے کا فیصلہ کرلیا ہے۔
ذرائع کا کہنا ہے کہ فواد اسد اللہ کی بطور ڈی جی انٹیلی جنس بیورو تعیناتی کا نوٹی فکیشن آج جاری ہونے کا امکان ہے۔
ذرائع کے مطابق آئی بی کے سینیئر افسر فواد اسد اللہ ادارے کے مختلف شعبوں میں سینئر عہدوں پر تعینات رہے ہیں۔
ذرائع کا کہنا ہے کہ فواد اسد اللہ کی بطور ڈی جی انٹیلی جنس بیورو تعیناتی کا فیصلہ وزیر اعظم پاکستان شہباز شریف نے آج مختلف لوگوں کی مشاورت سے کیا ہے۔
