24 اپریل ، 2022 
بابر اور فخر زمان عمرے کیلئے سعودیہ پہنچ گئے، مسجد نبوی ﷺ سے تصاویر وائرل
24 اپریل ، 2022
قومی ٹیم کے کپتان بابر اعظم اور بیٹر فخر زمان عمرے کی سعادت حاصل کرنے کے لیے سعودی عرب پہنچ گئے ہیں۔
یوٹیوبر نادر علی کے انسٹاگرام اکاؤنٹ سے بابر اعظم اور فخر زمان کے ہمراہ مسجد نبوی ﷺ میں لی گئی تصاویر شیئر کی گئی ہیں۔
شیئر کی گئی تصاویر میں یوٹیوبر کو بابر اعظم اور فخر زمان کے ہمراہ مسجد نبوی ﷺ کے صحن میں خوشگوار موڈ میں دیکھا جاسکتا ہے۔
تصاویر میں بابر اعظم اور فخر زمان کو قمیض شلوار پہنے سر پر ٹوپی لیے دیکھا جا سکتا ہے۔
دوسری جانب فخر زمان نے بھی انسٹاگرام اکاؤنٹ پر ایک تصویر شیئر کرتے ہوئے مداحوں کو سعودیہ پہنچنے کی اطلاع دی۔
شیئر کی گئی تصویر میں فخر زمان کو مسجد نبوی ﷺ میں بیٹھے دیکھا جا سکتا ہے جس کے کیپشن میں قومی کرکٹر نے درج کیا ’پھر کرم ہوگیا میں مدینے چلا‘۔
یاد رہے کہ سابق کپتان اور کوچ وقار یونس نے بھی اہل خانہ کے ہمراہ حال ہی میں عمرے کی سعادت حاصل کی ہے جبکہ شوبز کی کئی شخصیات بھی عمرے کے لیے سعودی عرب روانہ ہوئی ہیں۔
مزید خبریں :
بابر اعظم نے ایک اور اعزاز اپنے نام کرلیا
9 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
