25 اپریل ، 2022 
پاکستان
عدالت نے غیر قانونی تعمیرات پر سندھ بلڈنگ کنٹرول اتھارٹی اور دیگر پر برہمی کا اظہار کیا/ فائل فوٹو
سندھ ہائیکورٹ کا رامسوامی میں 60 گز پر بننے والی عمارت گرانے کا حکم
25 اپریل ، 2022
کراچی: سندھ ہائیکورٹ نے رامسوامی میں رہائشی عمارت کو گرانے کا حکم دے دیا۔
سندھ ہائیکورٹ میں رامسوامی میں 60 گزکے پلاٹ پر تعمیرات کے خلاف درخواست کی سماعت ہوئی جس میں درخواست گزار نے مؤقف اختیار کیا کہ چھوٹے پلاٹ پربڑی عمارت نے پڑوسیوں کی زندگیاں خطرے میں ڈال دیں۔
عدالت نے غیر قانونی تعمیرات پر سندھ بلڈنگ کنٹرول اتھارٹی اور دیگر پر برہمی کا اظہار کیا اور ایس بی سی اے کو فوری کارروائی کا حکم دیا۔
عدالت نے حکم دیا کہ عمار ت کے پانی، بجلی اور گیس کے کنکشنز منقطع کیے جائیں اور منظورشدہ پلان کے بغیر تعمیر عمارت گراکررپورٹ پیش کی جائے۔
