امریکی سازش کے جھوٹ سے پاکستان کی ڈپلومیٹک فورس تباہ ہو کر رہ گئی: رانا ثنا

اسلام آباد: وفاقی وزیر داخلہ رانا ثنااللہ نے کہا  ہےکہ امریکی سازش کے جھوٹ سے پاکستان کا سفارتی محاذ اور ڈپلومیٹک فورس تباہ ہو کر رہ گئی۔

جیونیوز کے پروگرام آج شاہ زیب خانزادہ کے ساتھ میں گفتگو کرتے ہوئے رانا ثنااللہ نے کہا کہ ہماری کوشش ہے کہ الیکشن مہم اس سال کے آخر یا اگلے سال مئی تک شروع ہو تو نواز شریف پاکستان میں ہوں مگر واپسی کا فیصلہ نواز شریف نے اپنی مرضی سے کرنا ہے۔

انہوں نے کہا کہ عید کے بعد بھرپور سیاسی پروگرام کریں گے، (ن) لیگ تمام قصبوں اور شہروں میں عوامی جلسے کرے گی، پی ٹی آئی نے اسلام آباد میں دھرنا دینا ہے تو دے لے۔

رانا ثنااللہ کا کہنا تھا کہ امریکی سازش کے جھوٹ سے پاکستان کا سفارتی محاذ اور ڈپلومیٹک فورس تباہ ہو کر رہ گئی، پی ٹی آئی کو خود بھی پتا ہے کہ یہ ٹوپی ڈراما ہے۔

جب تک الیکشن کا اعلان نہیں ہوتا آپ سب نے اسلام آباد میں بیٹھنا ہے، عمران خان

تحریک انصاف کی مرکزی قیادت کا اجلاس، عمران خان نے اس موقع پر اسلام آباد مارچ کی تیاریوں کیلئے پشاور، لاہور اور ملتان کے دوروں کا اعلان کیا

شاہ محمود نے امریکی عہدیدار کی گفتگو پر فوری احتجاج سے منع کیا: وزیر مملکت برائے خارجہ

امریکی عہدیدار کی گفتگو کی اطلاع شاہ محمود قریشی کو فوری دے دی گئی تھی مگر انہوں نے امریکا کو فوری احتجاجی مراسلہ دینے سے منع کر دیا: حنا ربانی کھر