وزیرخارجہ بلاول بھٹو کو ایرانی ہم منصب کا ٹیلی فون، وزارت سنبھالنے پر مبار کباد

ایران کے وزیر خارجہ  امیر عبداللیہان نے بلاول بھٹو زرداری کو ٹیلی  فون کرکے  وزارت خارجہ کا منصب سنبھالنے پر مبار کباد دی۔

ترجمان دفتر خارجہ کے مطابق ایران کے وزیر خارجہ امیر عبداللیہان اور بلاول بھٹو  کے درمیان ٹیلی فونک رابطہ ہوا جس میں انہوں نے چیئر مین پیپلز پارٹی کو  وزیر خارجہ کا منصب سنبھالنے پر مبارکباد دی۔

اس کے علاوہ دونوں وزرائے خارجہ نے پاکستان اور ایران کے درمیان تعلقات کی اہمیت اجاگر کیا۔

بلاول بھٹو نے وزیر خارجہ کے عہدے کا حلف اٹھالیا

پیپلزپارٹی کے چیئرمین بلاول بھٹو زرداری کی حلف برداری کی تقریب ایوان صدر میں ہوئی جہاں صدر مملکت عارف علوی نے بلاول بھٹو سے حلف لیا۔

ترجمان دفتر خارجہ کے مطابق بلاول بھٹو نے مسئلہ کشمیر پر حمایت اور فلسطینیوں سے اظہار یکجہتی پر ایرانی وزیر خارجہ کا شکریہ ادا کیا۔ 

ترجمان نے مطابق ایرانی وزیر خارجہ نے بلاول بھٹو زرداری کو دورہ ایران کی دعوت بھی دی۔