06 مئی ، 2022 
امریکا کی انٹیلی جنس روسی جرنیلوں کو مارنے کیلئے یوکرین کی مدد کر رہی ہے، امریکی حکام
06 مئی ، 2022
امریکا نے اعتراف کیا ہے کہ وہ روس کے خلاف جنگ میں یوکرین کو انٹیلی جنس مدد فراہم کررہا ہے، جس کے نتیجے میں یوکرینی فوج نے کئی روسی جرنیلوں کو قتل کیا ۔
امریکی اخبار نیو یارک ٹائمز کے مطابق امریکی حکام نے مبینہ طور پر اس بات کی تصدیق کی ہے کہ وہ یوکرین کو انٹیلی جنس مدد فراہم کر رہے ہیں۔
رپورٹس کے مطابق امریکی دفاعی عہدیداروں نے دعویٰ کیا ہے کہ امریکا یوکرین کو قابل عمل انٹیلی جنس فراہم کر رہا ہے تاکہ یوکرینی فوج کو روس کے خلاف جنگ میں اہداف کو حاصل کرنے میں مدد مل سکے۔
ان دعوؤں کی تصدیق کرتے ہوئے،امریکی محکمہ دفاع پینٹاگون کے ترجمان، جان کربی نے تسلیم کیا کہ امریکا یوکرین کو ایسی معلومات اور انٹیلی جنس فراہم کر رہا تھا جسے وہ اپنے دفاع کے لیے استعمال کر سکتا ہے۔
حکام کے مطابق اس انٹیلی جنس میں روسی فوجیوں کی متوقع نقل و حرکت بھی شامل ہے جو مشرقی یوکرین کے ڈونباس علاقے میں لڑائی کے لیے ماسکو کے خفیہ جنگی منصوبے کے حالیہ امریکی جائزوں سے حاصل کی گئی۔
دوسری جانب یوکرینی حکام کا دعویٰ ہے کہ اب تک وہ 12 روسی جرنیلوں کو اگلے مورچوں پر نشانہ بنا کر ہلاک کرچکے ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
