کھیل
Time 11 مئی ، 2022

ویڈیو: امام الحق کو آن ایئر شو میں شادی کی پیشکش، کرکٹر نے کیا جواب دیا؟

قومی ٹیم کے اوپننگ بلے باز امام الحق کو دوران شو لڑکی نے شادی کی پیشکش کردی۔

امام الحق حال ہی میں جیو نیوز کے کامیڈی پروگرام ’ہنسنا منع ہے ‘ میں شریک ہوئے جس دوران قومی کھلاڑی  نے اپنے کیرئیر سمیت مختلف موضوعات پر گفتگو کی۔

دوران شو امام الحق کو شو میں شریک ایک لڑکی نے شادی کی پیشکش کردی جس پر میزبان تابش ہاشمی سمیت امام الحق بھی حیران رہ گئے۔

لڑکی نے امام الحق کو پروپوزکرتے ہوئے کہا ’کیا آپ مجھ سے شادی کریں گے؟ جس پر پہلے تو امام الحق حیران ہوئے، بعد ازاں میزبان تابش سے پوچھا کہ وہ اس بات کا کیا جواب دیں ؟

تاہم لڑکی کے اصرار پر خاموش ہوگئے، لڑکی نے امام الحق سے اصرار کرتے ہوئےکہا کہ ’سر پلیز میری بات کی عزت رکھ لیجیے گا جس پر کرکٹر نے جواب دیا کہ اس کے لیے آپ کو میری والدہ سے بات کرنی پڑے گی کیوں کہ وہی اس بات کا مناسب جواب آپ کو دے سکیں گی۔

اس پر لڑکی کا کہنا تھا کہ آپ جس کے پاس کہیں گے میں چلی جاؤں گی۔

پہلےبابر اعظم شادی کریں گے پھر کروں گا: امام الحق

دوسری جانب اپنے ایک دوسرے انٹرویو میں امام الحق کا شادی سے متعلق گفتگو میں کہنا تھا کہ انہیں اب تک محبت نہیں ہوسکی ہے اور دعا ہے کہ کبھی محبت نہ ہو۔

شادی کے حوالے سے امام الحق نے کہا تھا کہ پہلےبابر اعظم شادی کریں گے  جس کے بعد وہ شادی کریں گے۔

مزید خبریں :