11 مئی ، 2022 
فواد چوہدری نے پاکستان میں سری لنکا سے بدترین صورتحال کا عندیہ دیدیا
11 مئی ، 2022
پاکستان تحریک انصاف کے رہنما اور سابق وفاقی وزیر فواد چوہدری کا کہنا ہے کہ 20 مئی سے پہلے الیکشن کا اعلان نہ ہوا تو سری لنکا سے بدترین صورتحال ہو سکتی ہے۔
اسلام آباد میں میڈیا سے گفتگو کرتے ہوئے فواد چوہدری کا کہنا تھا اس حکومت نے اوور سیز پاکستانیوں سے ووٹ کا حق چھیننے کی جرات کی، اس جرات کے لیے ایک لوٹے کو آگے کیا گیا، 90 لاکھ پاکستانیوں کو ووٹ کے حق سے محروم کرنے کی کوشش کی مذمت کرتے ہیں۔
سابق وفاقی وزیر کا کہنا تھا کہ آج ڈالر 190 روپے پر چلا گیا ہے، پاکستان کی معیشت تباہ و برباد ہو گئی ہے، کہا جا رہا ہے کہ پاکستان کی معیشت کا حال وہ ہو گا جو سری لنکا کی معیشت کا ہوا۔
ایک سوال کے جواب میں سابق وفاقی وزیر نے کہا کہ زرداری صاحب ای سی ایل سے نام نکلتے ہی دبئی چلے گئے، زرادری صاحب جاتے ہوئے بہت سے بیگ لے کر گئے، معلوم نہیں ان بیگوں میں کیا تھا۔
وزیراعظم شہباز شریف اور لیگی رہنماؤں کے برطانیہ جانے سے متعلق سوال پر پی ٹی آئی رہنما کا کہنا تھا کہ ایک کرمنل نے لندن میں سب کو بلایا ہوا ہے اور اجلاس کر رہا ہے، پاکستان کو ایک سیاسی معاشی اور انتظامی بحران کا شکار کر دیا گیا ہے۔
فواد چوہدری نے کہا کہ اگر 20 مئی سے پہلے الیکشن کا اعلان نہیں ہوتا تو سری لنکا سے بدترین صورتحال ہو سکتی ہے۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
6 گھنٹے پہلے
کیا پیراتھائرائیڈکا علاج پاکستان میں ممکن ہے؟
8 گھنٹے پہلے
