12 مئی ، 2022 
1999 کے ورلڈکپ میں شعیب اختر نے اسٹیو وا کو ٹکرکیوں ماری تھی ؟
12 مئی ، 2022
قومی کرکٹ ٹیم کے سابق فاسٹ بولر شعیب اختر کا کہنا ہےکہ 1999 کے ورلڈکپ میں آسٹریلوی کپتان اسٹیو وا واضح طور پر آؤٹ تھے لیکن امپائر نے آؤٹ نہیں دیا جس پر انہیں شدید غصہ آیا۔
غیر ملکی میڈیا کو دیےگئے ایک انٹرویو میں شعیب اختر کا کہنا تھا کہ انہیں میچ کے دوران بہت غصہ آتا تھا، کیریئر میں کم ازکم 30 سے 40 مرتبہ اتنا غصہ آیا کہ دل چاہا کہ امپائر کی پسلی پہ مکا ماردوں یا بلے باز کے سر پر بلا ماردوں۔
شعیب اختر کا کہنا تھا کہ 1999 کے ورلڈکپ (پول میچ) میں اسٹیو وا کا صاف آؤٹ نہ دینے پر بھی انہیں بہت غصہ آیا تھا اور انہوں نے غصے میں اسٹیوواہ کو زور سے ٹکر بھی ماری تھی۔
سابق فاسٹ بولر کا کہنا تھا کہ میں نےکبھی امپائرز کے ساتھ بدتمیزی نہیں کی،ماں نے کہا تھا کبھی تیری وجہ سے ملک کا نام خراب نہ ہو اور کبھی حرام پیسا نہ کمانا۔
ان کا کہنا تھا کہ میں جھوٹ کا ساتھ نہیں دے سکتا، غلط چیز کی حمایت نہیں کرسکتا یہ میری طبیعت میں نہیں، اس لیے کبھی میچ فکسنگ نہیں کی حالانکہ میرے ساتھ کے 12 کھلاڑی میچ فکسنگ میں پھنسے ہوئےتھے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
