امریکی جوڑے نے 9 ہزار کا کھانا کھا کر خاتون ویٹر کو ڈیڑھ لاکھ روپے سے زائد کی ٹِپ دیدی

امریکا میں ایک جوڑے نے ہوٹل میں 9 ہزار روپے سے زائدکا کھانا کھا کر خاتون ویٹر کو ڈیڑھ لاکھ روپے سے زائد کی ٹِپ دے کر سب کو حیران کردیا۔

غیر ملکی میڈیا رپورٹس کے مطابق یہ حیرت انگیز واقعہ امریکی ریاست روڈ آئی لینڈ میں واقع ایک ریسٹورنٹ میں پیش آیا جہاں گزشتہ دنوں ایک جوڑا کھانا کھانے کے لیے تشریف لایا۔

رپورٹس کے مطابق کھانا کھانے  کے بعد انتظامیہ کی جانب سے جوڑے کو 48 ڈالرز( 9 ہزار  سے زائد  پاکستانی روپے) کا بل دیا گیا تاہم انہوں نے خاتون ویٹرکو شاندار سروس فراہم کرنے کے بدلے میں 810 ڈالرز( یعنی ڈیڑھ لاکھ سے زائد پاکستانی روپے) کی ٹِپ دے دی۔

غیر ملکی میڈیا رپورٹس کے مطابق ڈیڑھ لاکھ روپے سے زائد کی ٹِپ وصول کرنے والی خاتون ویٹر جینیفر ورناسیو کا کہنا ہے کہ انہیں  اپنے 20 سالہ کیریئر میں کبھی بھی اتنی زیادہ  ٹپ نہیں ملی۔

انہوں نےکہا کہ میں جوڑے کا بہت شکریہ ادا کرنا چاہتی ہوں ، یہ میرے لیے بہت ہے، اس ٹپ کی وجہ سے میں پورا دن خوشی محسوس کرتی رہی۔

رپورٹس کے مطابق ہوٹل انتظامیہ کی جانب سے امریکی جوڑے کے بل کی تصویر سوشل میڈیا پر شیئر کی گئی۔

کسٹمر نے ہوٹل کے اسٹاف کو 16 لاکھ سے زائد کی ٹِپ دیکر حیران کردیا

شکریہ ادا کرنے کے بعد اس شخص نے تمام ہوٹل اسٹاف جن میں 10 افراد شامل تھے سب کو ایک ایک ہزار ڈالر ( ایک لاکھ 60 ہزار سے زائد پاکستانی روپے ) کی ٹِپ دینے کا اعلان کیا

مذاق میں شادی کے کھانے میں بھنگ ملانا دلہن کو مہنگا پڑ گیا

مہمانوں کی طبیعت خراب ہونے کے بعد حکام شادی کی تقریب میں پہنچے،کھانے کے نمونے لیے اور تحقیقات شروع کردیں۔