19 مئی ، 2022 
لاہور ہائیکورٹ: وزیراعلیٰ پنجاب کا الیکشن کالعدم قراردینےکی درخواست سماعت کیلئے مقرر
19 مئی ، 2022
لاہور ہائی کورٹ میں حمزہ شہباز کا بطور وزیراعلیٰ پنجاب الیکشن کالعدم قرار دینےکی درخواست سماعت کے لیے مقرر کردی گئی۔
چیف جسٹس لاہور ہائی کورٹ محمد امیر بھٹی تحریک انصاف کی درخواست پرکل سماعت کریں گے۔
درخواست پی ٹی آئی کے سبطین خان سمیت 5 ارکان اسمبلی کی جانب سےدائرکی گئی ہے، درخواست گزار کا مؤقف ہےکہ الیکشن کےدن پی ٹی آئی اور ق لیگ کے ارکان اسمبلی کو حمزہ شہباز کی ایما پر ایوان سے نکال دیا گیا۔
درخواست گزاروں کا کہنا ہےکہ پولیس نے ہمارے ووٹرز کو حق رائے دہی استعمال کرنے سے زبردستی روکا، پولیس ایوان میں کیسےداخل ہوئی، سیکرٹری اسمبلی نے پرائیویٹ لوگوں کا داخلہ روکا مگر ڈپٹی سیکرٹری نے 300 لوگوں کو بلالیا۔
درخواست گزاروں کے مطابق رکن اسمبلی احسن سلیم بریار نے ووٹ نہیں ڈالا مگر ان کا نام ووٹ ڈالنے والوں کی فہرست میں ہے، استدعا ہےکہ حمزہ شہباز کا الیکشن کالعدم قرار دیا جائے۔
