مریم نواز کی عفت عمر کو اوکاڑہ جلسے میں بحیثیت مہمان شرکت کی دعوت

مسلم لیگ ن کی نائب صدر مریم نواز نے اداکارہ عفت عمر کو  اوکاڑہ  میں منعقد ہونے والے  جلسے میں شرکت کی دعوت دے دی۔

ہوا کچھ یوں کہ اداکارہ عفت عمر  نے ایک  ٹوئٹ میں  لکھا کہ  ' جھوٹا خان '،  بظاہر انہوں نے یہ ٹوئٹ عمران خان کو مخاطب کرکے کی ۔

تاہم عفت عمر کی  ٹوئٹ کو ری ٹوئٹ کرتے ہوئے مریم نواز نے اداکارہ کو  مسلم لیگ ن کے ہونے والے اوکاڑہ کے جلسے میں بحیثیت مہمان شرکت کی دعوت دی۔ 

واضح رہے کہ گزشتہ دنوں اداکارہ عفت عمر نے سوشل میڈیا پر مریم نواز کی تعریف کی تھی جس پر لیگی رہنما نے بھی رد عمل میں ان کی ستائش کی۔

عفت عمر نے اپنی ٹوئٹ میں مریم نواز کو سراہتے ہوئے ٹوئٹ کی کہ ’ مریم نواز آپ بے شک عوام کو کھینچنے والی شخصیت ہیں ‘۔

اداکارہ نے اپنی ٹوئٹ میں مریم نواز کے لیے جیتی رہیں لکھ کر نیک خواہشات کا بھی اظہار کیا۔

بعد ازاں عفت عمر کی ٹوئٹ کو ری ٹوئٹ کرتے ہوئے مریم نواز نے جواب دیا کہ ’آپ بھی عوام کو کھینچنے والی شخصیت ہیں ‘۔