21 مئی ، 2022 
پاکستان
طیب دکان کے باہر پانی کا چھڑکاؤ کر رہا تھا کہ موٹر سائیکل سوار ملزمان پر پانی کے چھینٹے پڑ گئے: پولیس۔ فوٹو: فائل
شیخوپورہ میں پانی کے چھینٹے پڑنے پر جھگڑا، ایک شخص ہلاک
21 مئی ، 2022
شیخوپورہ میں بھکھی روڈ پر پانی کے چھینٹے پڑنے پر جھگڑے میں ایک شخص ہلاک اور تین زخمی ہو گئے۔
پولیس کے مطابق فائرنگ سے ہلاک ہونے والا جواں سال طیب مرغی کی دکان چلاتا تھا، طیب دکان کے باہر پانی کا چھڑکاؤ کر رہا تھا کہ موٹر سائیکل سوار ملزمان پر پانی کے چھینٹے پڑ گئے۔
پولیس کا کہنا ہے کہ مبینہ ملزمان عمر اور جنید نے طیش میں آ کر بحث و تکرار شروع کر دی اور فائرنگ شروع کر دی جس کے نتیجے میں طیب جاں بحق اور 3 افراد زخمی ہو گئے۔
پولیس کے مطابق واقعے کا مقدمہ درج کر کے ملزمان کے خلاف باضابطہ کارروائی کا آغاز کر دیا گیا ہے۔
