22 مئی ، 2022
کراچی میں شادی کے دوران ہوائی فائرنگ کے نتیجے میں پولیس اہلکار اپنی ہی فائرنگ سے جان کی بازی ہار گیا۔
ذرائع کے مطابق فائرنگ کا واقعہ کراچی کے علاقے گلشن بہار میں شادی کی تقریب میں پیش آیا جہاں بھائی کی شادی میں ہوائی فائرنگ کرنے والے پولیس اہلکار کو اپنی ہی فائر کی گئی گولی لگ گئی۔
پولیس کے مطابق اہلکار اپنے بھائی کی شادی کی تقریب میں فائرنگ کر رہا تھا کہ اپنی ہی گولی لگنے سے جاں بحق ہو گیا۔
دوسری جانب پان منڈی سے ملنے والا مشکوک بیگ تلاشی کے بعد کلیئر قرار دے دیا گیا۔