22 مئی ، 2022 
پاکستان
فوٹو: فائل
ہرآئینی طریقہ اپنائیں گے، خونی مارچ نہیں ہونے دیں گے، مریم اورنگزیب
22 مئی ، 2022
وفاقی وزیراطلاعات ونشریات مریم اورنگزیب نے چیئرمین تحریک انصاف عمران خان کی جانب سے لانگ مارچ کے اعلان پرکہا ہےکہ ہرآئینی طریقہ اپنائیں گے، خونی مارچ نہیں ہونے دیں گے۔
ایک بیان میں مریم اورنگزیب کا کہنا تھا کہ لانگ مارچ سے نمٹنےکے لیے مشاورت کریں گے۔
مریم اورنگزیب کا کہنا تھا کہ الیکشن کرانےکا اختیار اب ہمارا ہے، جومرضی کرلیں الیکشن تب ہوگا جب ہم چاہیں گے، ہرآئینی طریقہ اپنائیں گے، خونی مارچ نہیں ہونے دیں گے۔
وفاقی وزیراطلاعات کا مزید کہنا تھا کہ چار سال ملک اور عوام کو لوٹنے والا 25 مارچ کو پھر اسلام آباد لوٹ مار کے نئے ایجنڈے کے ساتھ آرہا ہے،عمران صاحب چار سال کی ناکامیوں، نااہلیوں اور کرپشن کی معافی مانگنے اسلام آباد آرہے ہیں۔
