23 مئی ، 2022 
پاکستان
ریسٹورینٹ کی گزشتہ رات کی تمام سیل صبح بینک میں جمع کرائی جانی تھی جسے ملزمان لوٹ کر لے گئے/فائل فوٹو
کراچی: سپرہائی وے پر واقع ریسٹورینٹ میں 50 لاکھ کی ڈکیتی
23 مئی ، 2022
کراچی: سپرہائی وے پر ایک ریسٹورینٹ سے مسلح ملزمان 50 لاکھ روپے سے زائد رقم لوٹ کر فرار ہوگئے۔
پولیس کے مطابق واردات سائٹ سپر ہائی وے تھانے کی حدود میں میں ہوئی جس میں مسلح ملزمان ریسٹورینٹ میں آئے اور اسلحے کے زور پر ریسٹورینٹ کے دفتر کےع ملے کو یرغمال بنا کر رقم لوٹ لی۔
ابتدائی اطلاعات کے مطابق ریسٹورینٹ کی گزشتہ رات کی تمام سیل صبح بینک میں جمع کرائی جانی تھی جسے ملزمان لوٹ کر لے گئے۔
ابتدائی تخمینے کے مطابق رقم 50 لاکھ روپے سے زائد ہے اور پولیس نے واردات میں مبینہ طورپر گھر کے بھیدی کے ملوث ہونے کا شبہ ظاہر کیا ہے۔
پولیس ذرائع کا کہنا ہےکہ لوٹ مار کرنے والے ملزمان کی تعداد چار تھی اور اطلاع ہے کہ ملزمان نے پیٹرول پمپ پر بھی لوٹ مار کی۔
