25 مئی ، 2022 
پاکستان
دعا زہرا کی شوہر کے ساتھ سالگرہ منانے کی ویڈیو وائرل
25 مئی ، 2022
گزشتہ ماہ کراچی سے لاہور آکر رشتہ ازدواج میں منسلک ہونے والی دعا زہرا کی شوہر ظہیر احمد کے ہمراہ سالگرہ منانے کی ویڈیو سوشل میڈیا پر وائرل ہورہی ہے۔
وائرل ویڈیو میں دیکھا جا سکتا ہے کہ دعا، ظہیر احمد اور ان کے اہلخانہ کے ہمراہ موجود ہیں اور اپنی سالگرہ کا کیک کاٹ رہی ہیں۔
واضح رہے کہ حال ہی میں کراچی سے لاہور آکر شادی کرنے والی دعا زہرہ کے کیس میں اہم پیشرفت سامنے آئی ہے۔
پولیس کے مطابق دعا زہرہ کے نکاح خواں قاری حافظ غلام مصطفیٰ کو حراست میں لے لیا گیا۔
پولیس کے مطابق قاری غلام مصطفیٰ حسن مارکیٹ نیو سمن آباد لاہور کا رہائشی ہے اور نکاح خواں نے دعا زہرہ کا بوگس نکاح پڑھایا تھا۔
