کراچی: ملازم گھر میں کھڑی گاڑی سے ایک کروڑ روپے سے زائد رقم لے کر فرار

کراچی کے علاقے ڈیفنس خیابان شاہین  میں ملازم گھر میں کھڑی گاڑی سے  ایک کروڑ روپے سے زائد رقم لے کر فرار ہوگیا۔

پولیس کے مطابق چوری کاواقعہ 25 مئی کو پیش آیا جس مقدمہ  اب درج کرلیا  گیا ہے۔

پولیس کا کہنا ہے کہ گھر کے مالک نے  اپنے بیان میں کہا ہے کہ گاڑی میں ایک کروڑ 15 لاکھ روپے بیگ میں رکھے تھے۔

دوسری جانب  واقعے کی سی سی ٹی وی جیو نیوز نے حاصل کرلی جس میں  ملازم کو گاڑی سے بیگ نکالتے دیکھا گیا۔