سدھو کا قتل: سلمان خان کی سکیورٹی بڑھادی گئی

بھارت کے معروف پنجابی گلوکار سدھو موسے والا کے قتل کے بعد بالی وڈ سپر اسٹار سلمان خان کی سکیورٹی میں اضافہ کردیا گیا۔

بھارتی میڈیا کی رپورٹس میں دعویٰ کیا جارہا ہے کہ سدھو موسے والا کے قتل کے بعد خدشہ ہے کہ اب  گینگسٹر لارینس بشنوئی کے نشانے پر سلمان خان ہیں، اسی لیے اداکار کی سکیورٹی سخت کردی گئی ہے۔

سدھو موسے والا کی موت کا بدلہ دو دن میں لینے کا اعلان

سدھو کی موت کے انتقام والی پوسٹ میں گینگسٹر نیرج بوانا کو ٹیگ کیا گیا ہے۔

ممبئی پولیس کے ترجمان نے میڈیا سے بات کرتے ہوئے بتایا کہ  سلمان خان کے گھر کے اطراف بھی سخت سکیورٹی کا مکمل انتظام کردیا گیا ہے اور اداکار کے گھر کو مسلسل مانیٹر کیا جارہا ہے۔

واضح رہے کہ پنجابی گلوکار سدھو موسے والا کے قتل کی ذمہ داری قبول  کرنے والے گینگ کے سرغنہ لارینس بشنوئی نے چند سال قبل سلمان خان کو بھی جان سے مارنے کی دھمکی دی تھی۔