05 جون ، 2022 
'موسے والا جیسا کر دوں گا'، سلمان خان اور انکے والد کو دھمکی آمیز خط موصول
05 جون ، 2022
بالی وڈ سپر اسٹار سلمان خان اور ان کے والد سلیم خان کو دھمکی آمیز خط موصول ہوا ہے۔
بھارتی میڈیا رپورٹس کے مطابق پولیس کا کہنا ہے کہ اتوار کو ممبئی کے علاقے باندرا بینڈ اسٹینڈ کے قریب سے سلمان خان اور ان کے والد سلیم خان کے نام ایک دھمکی آمیز خط ملا۔
رپورٹس کے مطابق سلیم خان کے سکیورٹی گارڈ کو دھمکی آمیز خط اتوار کے روز صبح 8 بجے کے قریب ایک بینچ پر اس وقت ملا جب سلیم خان روزانہ جاگنگ کے بعد بیٹھتے ہیں۔
بھارتی میڈیا کے مطابق دھمکی آمیز خط میں لکھا ہوا تھا کہ ' موسے والا جیسا کر دوں گا' تاہم باندرا پولیس نے نامعلوم افراد کے خلاف ایف آئی آر درج کر لی ہے ۔
واضح رہے کہ گزشتہ دنوں بھارت کے معروف پنجابی گلوکار سدھو موسے والا کے قتل کے بعد سلمان خان کی سکیورٹی میں اضافہ کردیا گیا تھا۔
یاد رہے کہ پنجابی گلوکار سدھو موسے والا کے قتل کی ذمہ داری قبول کرنے والے گینگ کے سرغنہ لارینس بشنوئی نے چند سال قبل سلمان خان کو بھی جان سے مارنے کی دھمکی دی تھی۔
بھارتی میڈیا کی رپورٹس میں دعویٰ کیا جارہا ہے کہ سدھو موسے والا کے قتل کے بعد خدشہ ہے کہ اب گینگسٹر لارینس بشنوئی کے نشانے پر سلمان خان ہیں، اسی لیے اداکار کی سکیورٹی سخت کردی گئی ہے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
