06 جون ، 2022 
ملک ریاض اور ان کی بیٹی کی مبینہ آڈیو پر ریحام خان کا ردعمل
06 جون ، 2022
چیئرمین پی ٹی آئی عمران خان کی سابق اہلیہ ریحام خان نے بزنس ٹائیکون ملک ریاض اور ان کی بیٹی کی مبینہ وائرل آڈیو پر ردعمل دیا ہے۔
مائیکرو بلاگنگ ویب سائٹ ٹوئٹر پر جاری بیان میں ریحام خان نے کہا کہ 'اب بیوی کو ہیرا بھی نہیں ملے اور ہیرو بھی نہیں، تو کچھ انتظام تو بنتا ہے'۔
خیال رہے کہ گزشتہ روز پنجاب حکومت کے ترجمان عطا تارڑ لاہور میں پریس کانفرنس کے دوران ملک ریاض اور ان بیٹی کی مبینہ آڈیو سامنے لائے جس میں ملک ریاض کی بیٹی انہیں بتا رہی ہیں کہ فرح کا فون آیا تھا، خاتون اول بشریٰ بی بی نے ہیرے کی 3 کیرٹ کی انگوٹھی قبول کرنے سے منع کر دیا ہے۔
مبینہ آڈیو میں ملک ریاض کی بیٹی فرح خان کا نام لیے بغیر کہہ رہی ہوتی ہیں کہ ہفتے کو اُس سے ملاقات ہے، انگوٹھی اُس سے پہلے ہی ارینج کر لیں، اس پر ملک ریاض اپنی بیٹی سے کہتے ہیں کہ تم انگوٹھی منگوا لو۔
تاہم ملک ریاض نے مبینہ آڈیو کی تردید کردی ہے جب کہ پاکستان تحریک انصاف نے اس آڈیو سے لاتعلقی کا اظہار کیا ہے۔
